2015 ~ ការធ្វើដំណើរកំសាន្ដនិងស្វែងរកព៍ត័មានថ្មីៗ

Thursday, July 9, 2015

Canon ធ្វើការដាក់បង្ហាញកាមេរ៉ា EOS 750D និង 760D ដែលមានស៊ិនស័រធំជាងមុន និងមាន Wi-Fi

8:12 PM No comments

ស្របពេលជាមួយនឹងការដាក់បង្ហាញកំពូលកាមេរ៉ា EOS 5DS និង 5DS R ដែលមានកាមេរ៉ាធំរហូតដល់ 50.6 មេហ្គាភិចសែលនោះ ក្រុមហ៊ុន Canon ក៏បានធ្វើការដាក់បង្ហាញកាមេរ៉ាលំដាប់ទាបជាងនេះជាច្រើនទៀតដែរ ហើយក្នុងនោះក៏មាន EOS 750D និង EOS 760D ផងដែរ។ ម៉ាស៊ីនថតកម្រិតល្អបង្គួរទាំងពីរនេះគឺស្ថិតនៅក្នុងខែស្រឡាយ 700D ដែរ ដោយវាមានរូបរាងស្រដៀងគ្នាជាខ្លាំង ក៏ប៉ុន្តែ Canon បានពង្រីកស៊ិនស័រវាអោយធំជាងមុន បន្ថែមលក្ខណៈសម្បត្តិអោយពិសេសជាងមុនបន្តិច ហើយវាក៏មានភ្ជាប់មកជាមួយប្រព័ន្ធ Wi-Fi ផងដែរ។

ទាំង 750D និង 760D មានកាមេរ៉ាទំហំ 24.2 មេហ្គាភិចសែល ដែលមានទំហំធំជាង 700D ដែលមានទំហំ 18 មេហ្គាភិចសែល។ នេះគឺជាទំហំដ៏ធំបំផុតហើយ ក្នុងប្រភេទកាមេរ៉ាដែលប្រើប្រាស់ស៊ិនស័រ EOS APS-C បើប្រៀបធៀបជាមួយនឹងកាមេរ៉ាដទៃទៀត។ កាមេរ៉ានេះបានបង្កើតឡើងយ៉ាងល្អបំផុត សម្រាប់ការថតរូបភាពមិនថានៅកន្លែងមានពន្លឺថ្ងៃខ្លាំង និងងងឹតនោះទេ ដែលយើងអាចធ្វើការកែសម្រួលកម្រិត IOS ពី 100 ដល់ 12800 ឯណោះ ហើយក៏អាចបន្ថែមដល់ 25600 ផងដែរ។ Processor DIGIC 6 របស់វា ក៏ជួយអោយការផ្តិត និងផលិតរូបភាពមានល្បឿនលឿនរហ័សផងដែរ អាចថតរូបជាប់ៗគ្នាបាន 5 បុស្តិ៍ក្នុងមួយវិនាទី មិនអោយចាញ់ប្រភេទកាមេរ៉ា EOS លំដាប់កំពូលប៉ុន្មានទេ។ កាមេរ៉ានេះ មានកញ្ចក់ Len អាចចាប់រូបភាពកាត់គ្នាបានចំនួន 19 ចំណុច Cross-type AF System ដូចទៅនឹង OES 700D ដែរ និងមាន Metering sensor 7560px RGB+IR ជាដើម។ វាក៏មានភ្ជាប់មកជាមួយនឹងប្រព័ន្ធ Wi-Fi និង NFC ផងដែរ ដើម្បីអោយអ្នកប្រើប្រាស់អាចបញ្ជាការថតរូប រឺក៏ផ្ទេររូបថតចូលទៅកាន់ស្មាតហ្វូន ថេប្លេត រឺក៏កុំព្យូទ័របានកាន់តែលឿន រហ័សមិនចាំបាច់ប្រើខ្សែនោះទេ។ លក្ខណៈពិសេសរបស់វាផ្សេងទៀតខុសពីប្រភេទ EOS ដទៃនោះ គឺវាមានភ្ជាប់មកជាមួយនឹងមុខងារ LIVE HDR ដែលវាជួយបង្កើនគុណភាពពន្លឺ និងពណ៌ដោយផ្ទាល់តែម្តងពេលកំពុងថត ផ្តល់ភាពងាយស្រួលសម្រាប់អ្នកថតរូប រឺក៏ថតវីដេអូ។

អ្នកលេងខោជើងខ្លី(Dangeruos Boys)

11:43 PM No comments

អត្តន័យក្នុងរឿងចង់និយាយអំពី:ការវាយតប់គ្នារវាងក្មេងស្ទាវពីរក្រុមដែលមួយក្រុមខោខ្មៅដែលមួយ
ក្រុមទៀតខោខៀវដែលពួកគេមកពីរសាលាពីរផ្សេងគ្នាុ។ ដែលក្រុមខោខៀវដឹកនាំដោយ Peng

និងក្រុមខោខ្មៅដឹកនាំដោយ Ting។

មូលហេតុដែលបណ្ដាលអោយពួកគេឈ្លោះគ្នាដោយសារតែនាក់ទាំងស្រលាញ់ស្រីតែមួយ។សាលាដែលមានឯកសណ្ឋានខោរពណ៌ខ្មៅ គឺជាសាលាដែលមានការអប់រំតិចតួច សិស្សមួយៗ សុទ្ឋសឹងជាស្ទាវ យាយអោយអស់គឺសំបូរទៅដោយពួកអាអត់ប្រយោជន៍ ។ ចំណែកឯ សាលា
ដែលមានឯកសណ្ឋានខោរពណ៌ខៀវ វិញ ក៏មិនចុះចាញ់ដែលបើទោះបីជាសាលា មានវិន័យតឹងរឹង
យ៉ាងណា ក៏ពួកគេ ខិតខំធ្វើយ៉ាងណាដើម្បីអោយវៃគ្នាបានសម្រេចអាចជាការណាត់វៃគ្នាខាងក្រៅ
សាលាជាដើម ។មូលហេតុដែលបណ្ដាលអោយPengក្លាយជាមនុស្សបែបនេះដោយសារតែកត្តា
គ្រួសារម្ដាយមិនគិតអំពីការសិក្សារបស់កូននិងមិនបានផ្ដល់ការអប់រំនិងភាពកក់ក្ដៅដល់កូន
គិតតែពីផឹកស្រា និងការរស់នៅមិនចុះសំរុងគ្នារវាងប្ដី ប្រពន្ធ ។

ទើបធ្វើអោយPengក្លាយជាក្មេងទំនើងនៅក្នុងសង្គមធ្វើការវាយតប់គ្នានៅតាមផ្លូវសាធារណះ
ដោយគ្មានការខ្លាចរអាសមត្ថកិច្ចសូមបីតែបន្ទិច។

នៅពេលដែល ប៉ូលីសចាប់ពួកគេហើយ ម្តាយរបស់PengនិងTing បាន ទៅរំដោះកូនឲ្យចេញ
ពីគុកវិញ។ក៏ប៉ុន្តែរដោយសារគុំនំរបស់Tingដែលជាសត្រូវរបស់Pengនៅតែមានចិត្តខឹច្រណែននឹង
ក្រុមចំរៀងរបស់ប្អូនប្រុសរបស់ភីងពួកគេបាននំាគ្នាទៅស្ទាក់ផ្លូវវាយក្រុមប្អូនប្រុសរបស់ភីងមិន ឲ្យទៅធ្វើការប្រគុំតន្រ្តីបាន។

ពេលនោះPeng បានមកដល់ហើយក៏បានបបួលTing វៃមួយស្មើដើម្បីក្រុមតន្រីរបស់ប្អូនបានធ្វើការ
សំដែង។

មួយរយះក្រោយមកយុវជនទាំងពីរបានចាប់ផ្តើមនឹងឃើញដល់ ម្តាយដែលស្រឡាញ់កូន ហើយនឹកឃើញកំហុសរបស់ខ្លួន ដែលបានសាងទាំងប៉ុន្មាន។ ម្តាយរបស់Pengបានបានសន្យានិង
កូនថានិងឈប់ផឹកស្រាបើសិនជាPengឈប់ធ្វើជាក្មេងពាលទៀត។បន្ទប់ពីសន្យាជាមួយកូន
ម្តាយហើយម្ដាយPeng ចាប់ផ្តើមឈប់ផឹកស្រាហើយត្រូវរ៉ូវគ្នាជាមួយប្តីរបស់គាត់វិញ។
ហើយPengក៏បានសុំទោសម្តាយដោយសន្យាថានិងឈប់វាយតប់គ្នាហើយកែខ្លួនមកធ្វើជា
មនុស្សល្អវិញ។ចុងក្រោយគ្រួសាររបស់គេក៏បានជួបជុំគ្នាវិញហើយរស់នៅជាមួយគ្នាយ៉ាងមាន
សុភមង្គល។

អ្នកដឹកនាំរឿង: (Director): ផូច ផាសិធ ( Poj Paseth)
តារាសម្តែងមាន ៖ Bew (Kittipat Samarntrakulchai), Brian (Brian Garton), Net (Sirapob Manithikul), Tape (Worachai Sirikongsuwan), Tong (Suravich reongyos), Tost (Arasaman Jitasiri), Winner (Chawin Aemchaimongkol), Guy (Korakrit Laotrakul), Rung (Chanunya Pongnak)
ថ្ងៃចេញៈ០៩ តុលា២០១៤
ចំណងជើងភាសាខ្មែរៈ ក្រុមក្មេងស្ទាវ អ្នកលេងខោខ្លី
ចំណង់ជើងភាសាថៃៈWai Peng Nak Laeng Kha Sun
ចំណងជើងភាសាអង់គ្លេសៈ Dangerous Boys

ឆេះក្លឹបកំសាន្តនៅក្រុងបាវិត សម្លាប់មនុស្ស ៥នាក់

7:07 PM សេដ្ឋកិច្ច No comments

ស្វាយរៀង៖ មន្ត្រីអាវុធហត្ថបានឲ្យដឹងថា នៅម៉ោង ៣៖២០នាទីទៀបភ្លឺ ថ្ងៃទី២៣ ខែមីនា ឆ្នាំ២០១៥នេះ មានករណីអគ្គិភ័យឆេះបន្ទប់ខារ៉ាអូខេ និងឌីស្កូ ក្នុងក្លឹបកំសាន្តស្តារ បណ្ដាលឲ្យមនុស្ស ៥នាក់បានស្លាប់ ដោយហេតុការណ៍នេះបានកើតឡើងនៅភូមិបាវិតកណ្ដាល សង្កាត់បាវិត ក្រុងបាវិត ខេត្តស្វាយរៀង។
តាមសេចក្ដីរាយការណ៍បន្ថែមបានឲ្យដឹងថា អគ្គិភ័យខាងលើ ត្រូវបានកងកម្លាំងសមត្ថកិច្ចចំរុះ និងរថយន្ដពន្លត់អគ្គិភ័យអស់ចំនួន ២គ្រឿង បានអន្ដរាគមន៍បាញ់ពន្លត់រួចរាល់ហើយ។ រីឯការខូចខាតទ្រព្យសម្បត្តិអស់ប៉ុន្មាននោះ នៅមិនទាន់មានរបាយការណ៍នៅឡើយទេ៕

http://www.dap-news.com/2011-06-14-02-39-55.html

សណ្ឋាគារ អាថ៌កំបាំង ទាំង ១៤ ដែលអ្នក គួរធ្វើដំណើរ កំសាន្ដ

6:57 PM ទេសចរណ៍ No comments

ប្រភពមកពី.khmerloadhttp://www.khmerload.com/news/36255
ជាការពិតណាស់ មនុស្សម្នាក់ៗ ទោះជា មមាញឹកបែបណា ក៏នៅតែអាច មានពេល សម្រាកពីការងារ។ យ៉ាងណាមិញ ខាងក្រោម នេះគឺសណ្ឋាគារ ដ៏ល្អឯក បែប ធម្មជាតិទាំង ១៤ និងនៅដាច់ ឆ្ងាយពីគេ ក្នុងប្រទេសឥណ្ឌា ដែលអ្នកគួរតែ ធ្វើដំណើរ ទៅលំហែនៅ ពេលទំនេរ៖
១. The Porcupine Castle, Coorg

នេះគឺជា កន្លែងដ៏ល្អ បំផុតដើម្បី អោយអ្នក លុបបំបាត់ចោល ឲ្យអស់នូវ រាល់ការនឿយហត់ អស់កម្លាំង។ The Porcupine Castle មានទេសភាព បែបធម្មជាតិ និងមានខ្យល់ អាកាសបរិសុទ្ធ ដែលនឹងធ្វើ អោយអ្នក ចាប់ចិត្ត មិនចង់ ត្រលប់មកវិញ។
២. Elephant Valley Eco Farm, Kodaikanal

វាលាតសន្ធឹង លើទំហំដី ប្រមាណ ១០០ ហិចតា នៅលើ Palni Hills នៃ Tamil Nadu។ Elephant Valley នឹងធ្វើ អោយ អ្នកទស្សនា ដែលស្រលាញ់ ធម្មជាតិ ពេញចិត្ត យ៉ាងខ្លាំង ដោយសារ អ្នកអាច សាកល្បង គេងលើផ្ទះ ដែលនៅលើ ដើមឈើ និងអាចមើល ឃើញសត្វស្លាប ដែលកំរ នៅក្បែរៗនោះ ផងដែរ។ ប្រសិនបើ អ្នកដែលធ្លាប់ មានបំណង ចង់ស្នាក់នៅ លើផ្ទះដើមឈើ អាចធ្វើដំណើរ មកទីនេះ នឹងទទួលបាន បទពិសោធន៍ ដ៏ល្អដែល មិនអាច បំភ្លេចបាន។
៣. Hotel Tranquility, Darjeeling

Hotel Tranquilty មានទីតាំង ស្ថិតនៅលើ ទីទួលខ្ពស់ ដែលអាចឲ្យ មើលឃើញ នូវទេសភាព ដ៏ស្រស់ស្អាត នៃភ្នំ Mt Kanchenjunga ដ៏ធំល្វឹងល្វើយ។ ទេសភាព មើលពីលើ ដំបូលនៃ សណ្ឋាគារនេះ ក៏កាន់តែ ស្រស់ស្អាត ទៀតផង។
៤. Mountain Trail, Uttarakhand

Mountain Trail គឺជាឋានសួគ៌ សម្រាប់អ្នក ដែលស្រលាញ់ ធម្មជាតិ។ ដោយសារមាន ឧទ្យានជាតិ Jim Corbett នៅក្បែរនោះ ផងដែរ ធ្វើអោយ Mountain Trail គឺជាជម្រើស ដ៏ល្អបំផុត សម្រាប់ដំណើរ កម្សាន្តរបស់អ្នក។
៥. Vythiri Resort, Wayanad

Vythiri Resort គឺជាកន្លែង ដ៏ប្រសើរបំផុត ដើម្បីគេចចេញ ពីភាពស្មុគស្មាញ នៃជីវិតទីក្រុង។ ដោយសារ សណ្ឋាគារនេះ ស្ថិតនៅក្នុងព្រៃ Rain Forest ទើបធ្វើអោយ វាជាកន្លែង ដែលមនុស្ស គួរទៅរុករក។
៦. Kaama Kethna Ecological Village, Goa

Kaama Kethna Village គឺជាកន្លែង ដ៏មានមន្ត ស្នេហ៍មួយ ដែលធ្វើអោយ អ្នកដែលបាន ទៅដល់ ចង់ពន្យារពេល ការស្នាក់នៅ ឲ្យកាន់តែយូរ។ វិធីសាស្រ្ត នៃការធ្វើលំហាត់ ប្រាណបែប យ៉ូហ្កា និងសមាធិ នឹងធ្វើឲ្យ អ្នកក្លាយជា មនុស្សដែល មានអារម្មណ៍ កាន់តែស្ងប់ ជាងមុន។
៧. Rawla Camp Retreat, Jaisalmer

ប្រសិនបើ អ្នកមានបំណង ចង់ទៅលេង វាលខ្សាច់ ទីនេះហើយ គឺជាកន្លែង ដែលអ្នកគួរទៅ។ វាមាន ទីតាំងនៅ Jaisalmer រដ្ឋ Rajasthan ប្រទេសឥណ្ឌា។ នៅទីនោះ អ្នកនឹងត្រូវ គេងក្នុងតង់ ព្រមទាំងធ្វើ ដំណើរកម្សាន្ត ដោយជិះអូដ្ឋ។
៨. Thonsal, Leh

ប្រសិនបើ អ្នកចង់ទៅ នៅដាច់អោយ ឆ្ងាយពី ពិភពលោក សូមមកកាន់ Thongsal។ ដោយសារតែ Thongsal ជាតំបន់ដែល ដាច់ឆ្ងាយពីគេ ធ្វើអោយទី នេះជាតំបន់ ដែលគ្មាន អគ្គិសនី និង Wifi សម្រាប់អោយ អ្នកសាកល្បង ការអត់ទ្រាំ របស់អ្នកឲ្យ រស់ដាច់ឆ្ងាយ ពីអ្នកដទៃ។ លើសពីនេះ ទីទៀតម្ហូប នៅទីនោះ សុទ្ធតែ ជាមុខម្ហូប របស់អ្នក ក្នុងតំបន់ ដែលធ្វើឲ្យ អ្នកកាន់តែ ចង់ស្នាក់នៅ។
៩. The Hidden Forest, Sikkim

ប៉ែកខាងជើង ឈាងខាងកើត នៃប្រទេស ឥណ្ឌា គឺជាតំបន់មួយ ដែលកំរមាន មនុស្សទៅដល់ តែទោះជា យ៉ាងណា លោកអ្នកនឹង ចាប់ចិត្តយ៉ាងខ្លាំង ចំពោះទេសភាព និងសម្រស់ដ៏ ស្រស់ស្អាត បែបបុរាណកាល នៅទីនោះ។ វាស្ថិតនៅ កម្ពស់ 4500 feet ធៀបនឹង ទឹកសមុទ្រ។ Hidden Forest អាចជួយឲ្យ អ្នកលុបបំបាត់ ចោលនូវទុក្ខ កង្វល់ ទាំងឡាយ រាល់ពេល ដែលអ្នកទៅដល់។
១០. Coconut Lagoon, Kerala

Coconut Lagoon បញ្ចេញនូវ សម្រស់ បែបវប្បធម៌ និងធម្មជាតិនៃ Kerala សម្រាប់អ្នក ដែលទើប តែបានទៅដល់ លើកទីមួយ។ អ្នកនឹងមានអារម្មណ៍ កាន់តែប្រសើរ ដោយសារតែ ពន្លឺចាំង ព្រាកៗ ពីផ្ទៃទឹកដែល នៅខាងក្រោយ និងមេអំបៅ យ៉ាងស្រស់ ស្អាតជាច្រើន។
១១. Hotel Heevan, Phalgam

ដោយសារតែ វាស្ថិតនៅលើ ច្រាំងទន្លេ River Lidder ទើបធ្វើអោយ Heevan គឺជាកន្លែង ដែលគេគិត ដល់មុនគេ ក្នុងចំណោម សណ្ឋាគារ ដទៃទៀត នៅក្នុងតំបន់ Pahalgam។
១២. The Pink House, Mcleodganj

វាមាន ទីតាំងនៅ Mcleodganj។ The Pink House ជាសណ្ឋាគារ ដែលមានតម្លៃ សមរម្យ ហើយអាចឲ្យ អ្នកសម្រាកបាន យ៉ាងប្រសើរ ចាកចេញពី ភាពដ៏គួរ អោយធុញទ្រាន់ ពីក្នុងទីក្រុង។
១៣. Aamod, Dalhousie

Aamod គឺជាសណ្ឋាគារ ដ៏ល្អជាងគេ នៅលើជ្រលងភ្នំ ហើយវានៅ ជិតបំផុត នឹងធម្មជាតិ។ សណ្ឋាគារ នេះអាចឲ្យ យើងមើលឃើញ នូវទេសភាពយ៉ាង ស្រស់ស្អាតពី កំពូលជួរភ្នំ Pir Panjal ដែលគ្របដណ្តប់ ដោយព្រិល ទឹកកក។
១៤. Tree House Hideaway, Bandhavgarh

ផ្ទះដ៏ស្ងប់ស្ងាត់ ធ្វើពីឈើធ្វើ អោយយើង មើលរំលង ថាវាស្ថិត នៅក្នុង ឧទ្យានជាតិ Bandhavgarh ដែលមាន ចំនួនសត្វខ្លា ច្រើនជាងគេ នៅក្នុងប្រទេស។ ប្រសិនបើ អ្នកចង់ទៅ រស់នៅក្នុង ព្រៃឈើ នោះកន្លែង នេះហើយ គឺជាទីដែល អ្នកគួរ ទស្សនា។

ទម្លាយអាថ៌កំបាំង នាំឲ្យអ្នកឧកញ៉ា គិត ម៉េង និងស្រីតូច ចំណាន ឈានចូលដល់ អាពាហ៍ពិពាហ៍

6:18 PM សង្គម No comments

ប្រភពមកពីhttp://www.khmerload.com/news/36287khmerload
ភ្នំពេញ៖ នៅក្នុងពិធីរៀបអាពាហ៍ពិពាហ៍ របស់មហាសេដ្ឋីស្រុកខ្មែរ អ្នកឧកញ៉ា គិត ម៉េង និងស្រីតូច ចំណាន ដ៏មហាអធិកអធមជាទីបំផុត នារាត្រីថ្ងៃទី២០ ខែមីនា ឆ្នាំ២០១៥ នៅទីក្រុងកោះពេជ្រ ដោយមានការចូលរួមពីមន្រ្តីថ្នាក់ដឹកនាំប្រទេសកំពូលៗនោះ ត្រូវបានលោក ហ៊ុយ វណ្ណៈ ជាមនុស្សជំនិត របស់អ្នកឧកញ៉ា គិត ម៉េង និងជានាយកគ្រប់គ្រងព័ត៌មានរបស់ស្ថានីយទូរទស្សន៍ CNC ដ៏ល្បីនៅកម្ពុជា បានទម្លាយ នៅរសៀលថ្ងៃទី២១ ខែមីនា ឆ្នាំ២០១៥ ក្រោយពីបញ្ចប់កម្មវិធីមង្គលការរបស់អ្នកឧកញ៉ា គិត ម៉េង និងរៀបប្រាប់ យ៉ាងដូច្នេះថា៖
ប្រវត្តិដើមហេតុនៃការឈានចូល រៀបចំពិធីមង្គលការរបស់អ្នកឧកញ៉ា គិត ម៉េង និងស្រីតូច ចំណាន គឺផ្តើមចេញពីលើកឡើងកូនស្រីទី២ របស់អ្នកឧកញ៉ា គិត ម៉េង មានឈ្មោះ គិត ស៊ូរៀ អាយុ ៨ឆ្នាំ បានសួរទៅម្តាយរបស់នាង (ស្រីតូច ចំណាន) ថា «ម៉ាក់ៗ ឃើញតែទៅញុំាការគេ ទើបពេលណា បានម៉ាក់រៀបការ» ។
លុះនៅថ្ងៃមួយ ក្នុងដំណើរទស្សនកិច្ចជាលក្ខណៈឯកជន ជាមួយសម្តេចតេជោ ហ៊ុន សែន នាយករដ្ឋ មន្រ្តីនៃកម្ពុជា និងសម្តេចកិតិ្ត ព្រឹទ្ធបណ្ឌិត រួមនឹងមន្រ្តីជាន់ខ្ពស់មួយចំនួន នៅប្រទេសសិង្ហបុរី ក្នុងអំឡុង ខែ១១ ឆ្នាំ២០១៣ ដោយនៅពេលនោះ កូនស្រីទី២ អាយុ ៨ឆ្នាំ (គិត ស៊ូរៀ ) បានលើកជា សំណួរទៅកាន់ សម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ក្នុងនាមជាចៅ នៅក្នុងឱកាសទទួលទាន អាហារជួបជុំគ្នា ដោយ បានលើកឡើងយ៉ាងដូច្នេះថា «តា តា ខ្ញុំចង់ឃើញ ម៉ាក់រៀបការដូចគេ សូមតាជួយផង!»
ដោយខណៈពេលនោះ សម្តេចតេជោ ហ៊ុន សែន បានឆ្លើយតបវិញថា «តើ! ចង់ឲ្យតាធ្វើដូចម្តេច» នៅពេលនោះកូនស្រីទី២ របស់អ្នកឧកញ៉ា គិត ម៉េង បានឆ្លើយតបទៅកាន់សម្តេចតេជោ វិញថា «សូមឲ្យតាចេញបញ្ជាទៅ ទើបបាន!» ។ ហើយគំនិតរបស់កូនស្រី ស៊ូរៀ ចង់ឃើញឪពុកម្តាយ រៀបការនោះ ត្រូវបានសម្តេចទាំងពីរជំរុញ និងជួយជ្រោមជ្រែងទៅអ្នកឧកញ៉ា គិត ម៉េង និងស្រីតូច ចំណាន ឲ្យឈានជើងចូលរោងការតែម្តង។
លោក ហ៊ុយ វណ្ណៈ បានបន្តរៀបរាប់ថា ថ្ងៃកំណត់អាពាហ៍ពិពាហ៍របស់អ្នកឧកញ៉ា គិត ម៉េង ត្រូវបានជ្រើសរើស យ៉ាងសម្រិតសម្រាំង ដោយកំណត់យកថ្ងៃមួយក្នុងខែមីនា ដែលជាថ្ងៃគម្រប់ ខួបមួយឆ្នាំនៃការផ្តាច់បារី ដើម្បីសុខភាពរបស់សម្តេចតេជា ហ៊ុន សែន នោះគឺថ្ងៃទី២០ ខែមីនា ឆ្នាំ២០១៥ នេះឯង។
មនុស្សជំនិតអ្នកឧកញ៉ា គិត ម៉េង រូបនោះបានបញ្ជាក់ថា នៅរសៀលថ្ងៃសៅរ៍ ទី២១ ខែមីនានេះ អ្នកឧកញ៉ា គិត ម៉េង បានរៀបចំ ជប់លៀងមួយជូន បុគ្គលិក និងអ្នកជួយរៀបចំកិច្ចការក្នុងពិធីមង្គលការ ដែលបាននឿយហត់រយៈពេលប៉ុន្មានថ្ងៃមកនេះ៕